Edwins wiki

Tiu ĉi paĝo disponiĝas nur por legado (vi ne povas redakti ĝin). Sciigu administranton, se vi opinias ke tio estas falsa malpermeso.
====Fotado de Planedoj====

{{fotos:planeten:23_13_02_frame_00010.png?300 }} Planedoj estas spektaklaj
vidindaĵoj per teleskopo. Aparte la gasgigantoj Jupitero kaj Saturno
ĉiam estas imponaj. Ĉe Jupitero, oni povas distingi, ke la nubaj bendoj ne estas
unuformaj strioj, sed montras turbulecon ĉe la randoj. Kaj Saturno, kompreneble, 
havas siajn ringojn. Oni eĉ povas vidi, ke ekzistas pluraj ringoj; Saturno ne
havas nur unu, kaj oni povas rimarki la Cassini-divizaĵon, kiu formas la limon 
inter la internaj kaj eksteraj ringoj. Tamen, foti la planedojn ne estas tute facile.
La foto maldekstre montras, kia aspektas tipa foto. Necesas multe da bonŝanco
por kapti Saturnon ĝuste en la momento, kiam la atmosfero estas stabila. La rezulto
ĉiam estas seniluziiga kompare kun la vida impreso.

{{ fotos:planeten:23_13_02_lapl4_ap39.png?300}} Tamen, per kelkaj simplaj teknikoj 
kaj programaro libere havebla rete, oni povas krei bildon, kiu aspektas eĉ pli bone
ol la vidaĵo tra la okulario. Por la registrado, oni uzas simplan kameraon, kiu estas 
muntita anstataŭ la okulario de la teleskopo. La kameraoj, kiujn oni povas mendi el Ĉinio 
por tiu celo, estas esence simplaj retkameraoj. Ili tute taŭgas, ĉar la limiga faktoro 
por la bildkvalito ne estas la kamerao, sed la teleskopo. Mi ankaŭ uzas Barlow-lenson 
por plue pligrandigi la bildon. Oni registras mallongan videodosieron konsistantan el 
kelkaj centoj da bildkadroj ĉe la plej malalta ebla distingivo. Poste, oni kunmetas 
la bildojn per programo, kiu elektas la plej bonajn kadrojn kaj kunigas ilin por 
minimumigi bruon.

La programo, kiun mi uzas por registri la videodosieron, estas [[https://www.sharpcap.co.uk/|SharpCap]]. 
Sharpcap ebligas elekti inter diversaj distingivoj kaj agordi la ekspontempon por registrado; 
ĝi estas specife desegnita por astronomia bildigo. Ĝi estas tre facile uzebla: vi povas agordi ĉion 
necesan por la registrado rekte ĉe via tekokomputilo apud la teleskopo. Poste, vi elektas la plej 
bonajn bildkadrojn kaj kunigas ilin por akiri akran bildon. Por tio, mi 
uzas [[https://www.autostakkert.com/|AutoStakkert]].
Tio rezultigas la duan bildon.

{{fotos:planeten:23_13_02_lapl4_ap39_conv.png?300 }}
La bonega afero pri sharpcap kaj autostakkert estas, ke oni povas generi bildon rekte ĉe la 
teleskopo uzante iliajn aŭtomatajn agordojn. Oni ne devas sidi ĉe la komputilo post la fino 
de la nokto por krei bildon; anstataŭe, oni povas tuj vidi, ĉu la registrado estas bona. 
Per autostakkert, oni ankaŭ povas tuj apliki //konvolucian// filtrilon al la bildo por plie 
akrigi la detalojn. La rezulto estas la tria bildo. La Divido de Cassini estas videbla, 
kaj oni povas klare vidi la ekvatoran nubozonon sur Saturno. Oni eĉ povas vidi la randon 
de la ombro de la ringo sur la planedo. Kaj ĉio ĉi estas videbla rekte ĉe la teleskopo. 
Estas mirinde, ke la kreintoj de sharpcap kaj autostakkert disponigas tion al entuziasmuloj 
pri planeda astronomio.

{{tag>eo:spaco eo:astronomio eo:fotoj}}